Mae Cyngor Blaenau Gwent wedi derbyn cyllid drwy Gronfa Ffyniant Gyffredin y DU i gefnogi datblygiad addysg i rieni a gofalwyr ym Mlaenau Gwent.

Nod cyrsiau yw meithrin sgiliau a gwybodaeth gyda gyrfaoedd mewn gofal plant a gofal cymdeithasol yn ogystal ag iechyd cyffredinol, lles a sgiliau bywyd. Gall gwella eich sgiliau a’ch gwybodaeth gynyddu’r tebygolrwydd o gael cyflogaeth, cyflogau uwch a lles gwell. Mae Llwybrau yn agor drysau i fwy o gyfleoedd hyfforddi, gan baratoi’r ffordd ar gyfer sicrhau dyfodol gwell i deuluoedd.

 

Mae ein cyrsiau ar gael i bob oedolyn 16+ sy’n byw/gweithio ym Mlaenau Gwent. Bydd y cyrsiau hyn wedi’u hanelu at gynyddu eich hyder, datblygu eich sgiliau personol, a’ch cefnogi i gyflawni eich nodau ni waeth pa mor fawr neu fach ydynt!

 

Bydd ein rhaglen yn cynnwys tri llwybr gwahanol – pob un yn cynnig ystod o gyrsiau gwahanol:

Camau i Ofal Plant

Iechyd, Lles a Sgiliau Bywyd

Cyflwyniad i Ofal Cymdeithasol

Bydd ein tîm hefyd yn gallu eich cefnogi gyda chyfleoedd gwirfoddoli i’ch cefnogi ymhellach yn y camau cyntaf hynny yn ôl i gyflogaeth.

 

Mae ein holl gyrsiau yn rhad ac am ddim ac rydym yma i’ch cefnogi chi a’ch anghenion unigol.

 

I gadw lle ar unrhyw un o’n cyrsiau, ewch i: www.ticketsource.co.uk/blaenau-gwent-council neu, i siarad ag aelod o’r tîm, anfonwch e-bost atom yn FIS@blaenau-gwent.gov.uk gyda’ch enw a’ch rhif.